Байрам уңайынан

1 Май – көн һайын үҙенең хеҙмәте менән Ватанын һәм ғаиләһен сәскә аттырыусы бөтөн халыҡ байрамы. Өлкән быуын өсөн  1 Май элеккесә  берҙәмлекте кәүҙәләндерә, ә йәштәр өсөн – тәбиғәт һәм кешелек көсөн тыуҙырған яҙғы сәскә атыу соро.

Ошо байрам уңайынан Балтас районы Мата ауылы клубында халыҡтарҙың мәҙәни мираҫ йылына бағышланған "Бәлеш" байрамы үтте.
Халык йырҙары менән үрелеп барған милли уйындар тамашасыларҙың күңеленә ятты. Байрам аҙағы өҫтәл артында тәмле сәй эсеү менән тамамланды.

Гөлназ Ғәлләмова.