Милли кейем - милләт ҡото!

Республикала 2020 йылдан алып Милли кейем көнөн йылына ике тапҡыр – апрелдең өсөнсө йомаһында һәм сентябрҙең икенсе йомаһында билдәләйҙәр. Башҡортостанда 164 милләт вәкиле йәшәй. Милли кейемдәре аша уларҙың үҙенсәлекле тарихын, мәҙәниәтен өйрәнеп була.

“Милли кейемдә фото” република флешмобына Асҡын районы мәҙәниәт хеҙмәткәрҙәре, ағинәйҙәр ҙә дәррәү ҡушылды. Улар үҙҙәренең милли кейемдә төшкән  фотоларын Vkontakte,  Класташтар һәм Telegram социаль селтәрҙәренә #НациональныйКостюм2022 #МиллиКейем2022  хештэгтары менән урынлаштырып, социаль селтәрҙәрҙе сағыу гөлләмәгә әйләндерҙе.Афарин, асҡындар!

#МиллиКейемКөнө2022