Илһөйәрҙәр, телһөйәрҙәр шулай тәрбиәләнә

11октябрь - Республика көнө. Балаларҙа Тыуған илебеҙгә һәм туған телебеҙгә ҡарата һөйөү һәм ихтирам тәрбиәләү, республикабыҙ тураһында белемдәрен арттырыу, милләт-ара татыулыҡ, дуҫлыҡ тойғоһо тәрбиәләү, балалар баҡсаһының төп бурысы булып тора.

Балтас районы Иҫке Балтас ауылы "Ҡояшҡай" балалар баҡсаһының мәктәпкә әҙерләү төркөмө тәрбиәләнеүселәре ҡатнашлығында "Тыуған илем - Башҡортостан" тип аталған матур байрам сараһы үтте. Башҡортостан тураһында кескәйҙәр шиғырҙар һөйләп, "Ҡурай" уйыны уйнаны. Музыкаль етәксе Рима Фәйзелғаян ҡыҙы Шакирова уйнаған баян моңдарына  ҡушылып балалар дәртләнеп йырланы. Тәрбиәсе Нурһылыу Дариябай ҡыҙы кескйҙәргә республикабыҙ тураһында мауыҡтырғыс итеп һөйләне. Байрам бик матур һәм фәһемле үтте.

Гөлназ Ғәлләмова.