Һайлау тыныс шарттарҙа үтә

Яубүләк ауыл Советы ауыл биләмәһенә ҡараған 914-се Солтанай һайлау участкаһында иртәнән үк йәнлелек. Бирегә Ҡушкүл, Ҡаракүл, Солтанай ауылдары һайлаусылары килә. Бөгөн беренселәрҙән булып гражданлыҡ бурысын үтәргә хаҡлы ялдағы Зөлфидә апай һәм Рәфит ағай Исламовтар килде.

Һайлау участкаһында был өлкәлә бай тәжрибә туплаған Реваль ағай Әхмәтйәнов рәйеслек итә. Ул бирелә 1968 йылда секретарь булып башлап, аҙаҡ рәйес итеп һайланып, оҙаҡ йылдар ошо яуаплы вазифаны башҡара. Уның урынбаҫары Радик Гәрәйхан улы Әхмәтшин, секретары Лилиә Мәзһәр ҡыҙы Сәмиғуллина, Венер Фәрит улы Әбдрәхимов, Илүсә Нәзир ҡыҙы Суфиянова һайлаусыларҙы асыҡ йөҙ менән ҡаршылап, үҙ бурыстарына яуаплы ҡарай.

Исемлек буйынса — 198 һайлаусы. Сәләмәтлеге буйынса килә алмағандарҙы, оло йәштәгеләрҙе һаҡланыу сараларын ҡулланып, өйҙәренә барып һайлаттыҡ. Ундайҙар 12 кеше булды. 17.00 сәғәткә 124 кеше килеп үҙенең гражданлыҡ бурысын үтәне. Эшебеҙҙе тауыш биреүселәрҙең тән температураһын үлсәп, ҡулдарын спиртлы шыйыҡса менән йыуҙыртып, маска, бирсәткә, ручка биреп, барлыҡ һаҡланыу сараларын да үтәп башҡарабыҙ. Дөйөм алғанда, һайлау тыныс шарттарҙа үтә, — ти участка һайлау комиссияһы рәйесе Реваль Ғәтиәт улы.

Илһөйәр Махатова.

Читайте нас:

© 2024 Сайт издания "Йәнтөйәк" Копирование информации сайта разрешено только с письменного согласия администрации. Башҡортостан Республикаһының Матбуғат һәм киң мәғлүмәт саралары агентлығы һәм Башҡортостан Республикаһының "Башҡортостан Республикаһы" Нәшриәт йорто дәүләт унитар предприятиеһы.

Телефон

8(34771) 2-18-50

Электрон почта

[email protected]

Адресы

452880, Аскинский район, с. Аскино, ул. Блюхера, 10

Реклама хеҙмәте

8(34771) 2-20-60

Редакция

8(34771) 2-18-50

Кадрҙар бүлеге

8-34771 (2-19-30)