Ҡашҡанан Инзирә Фәүзиева беренсе тапҡыр һайланы

Ҡашҡа мәҙәниәт йортонда урынлашҡан 919 -сы һайлау участкаһында ла һайлаусылар әүҙем. Йәштәр ҙә ҙур яуаплылыҡ менән һайлауға килә.

— Бөгөн тәүге тапҡыр тауыш бирҙем. Бик тулҡынландым, сөнки урындағы үҙидара органдарына депутаттар ғына түгел, республика Башлығын да һайлайбыҙ. Был бик яуаплы, тулҡынландырғыс ваҡиға, — ти 18 йәшен тултырған Инзирә Фәүзиева. – Үҙемдең гражданлыҡ бурысымды үтәүемә ҡыуанам. Ил киләсәге хәл ителгән саранан бер кем дә ситтә ҡалырға тейеш түгел, тип уйлайым.

Һайлау комиссияһы ағзаһы Әнфисә Ғатауллина Инзирәгә артабан да уңыштар теләп, иҫтәлекле бүләк тапшырҙы.