Асҡындар "Йондоҙ менән зарядка" акцияһында ҡатнашты!

Сара иртәнге сәғәт туғыҙҙа район үҙәгендә Ленин майҙанында ойошторолдо. Был акция район халҡы араһында сәләмәт йәшәү рәүешен пропагандалауға йүнәлтелгән. Балалар-үсмерҙәр спорт мәктәбе тренеры Айҙар Сабиров етәкселегендә акцияла ҡатнашыусылар күнекмәләр яһаны. Зарядкаға баҫыусылар араһында район хакимиәте башлығы Ришат Марат улы Дихин менән республика вәкиле, районыбыҙҙың кураторы, Тарифтар буйынса дәүләт комитеты рәйесе Светлана Бурдюктың да булыуы сараға тағы ла мәртәбә өҫтәне. Шулай, Асҡын һайлаусылары зарядка ла яһаны.