Балалар өсөн байрам ойошторалар

Халыҡ-ара балаларҙы яҡлау көнөндә Иҫке Күскилде ауылы гөрләп тора. Бирелә  Асҡын ауылында үҙ эшен асҡан йәш йүнсел ғаилә Айһылыу һәм Айнур Әхмәтовтар урындағы мәҙәниәт хеҙмәткәрҙәре һәм әүҙем  ата-әсәләр менән бергә балалар өсөн байрам ойоштора.  Күңелле уйындар уйнап, тәмле былау һәм тәм-томдар менән һыйланып, кескәйҙәр күңелле ял итә.

Бындай байрамды Әхмәтовтар береселәй үткәрһә  лә, улар   башҡа саралар ойошторғанда һәр саҡ бағыусы булараҡ ярҙам итеп тора.

— Беҙ ҡайҙа ғына йәшәһәк тә, тыуып үҫкән ауылыбыҙҙы — йәнтөйәгебеҙҙе оноторға тейеш түгелбеҙ. Мин ошо ауылда тыуып, ошо ерҙә уйнап үҫтем. Бөгөн шулай балаларҙы ҡыуандыра алыуыма сикһеҙ шатмын, — ти йәш эшҡыуар Айнур Әхмәтов.

Үҙ еренең ысын патриоты булған   илһөйәр  райондаштарыбыҙға "афарин!"дан башҡа һүҙ юҡ. Ҡылған изге ғәмәлдәрегеҙ үҙегеҙгә меңләтә сауап булып әйләнеп ҡайтһын!

 Наилә Имаева.