17 дана гәзит бүләк итте!

Яугилде ауылы уҙаманы, мәшһүр яҙыусыбыҙ Ғаян Лоғоман улы Лоҡмановтың улы, техник фәндәр кандидаты, Рәсәйҙең почетлы нефтсеһе, Өфө “Геотехсервис” асыҡ яуаплылығы сикләнгән йәмғиәте директоры Мансур Ғаян улы Лоғоманов тураһында гәзитебеҙ биттәрендә яҙып сыҡҡайныҡ.

 Әле матбуғат баҫмаларына ташламалы хаҡтар менән яҙылыу декаднигы иғлан ителгәс, Кесе Ватан өсөн файҙалы эштәр йылы, “Атайсал” проекты сиктәрендә Мансур Ғаян улы райондаштарына 17 дана “Йәнтөйәк” гәзитен бүләк итте. Афарин, Мансур Ғаян улы! Ҡылған изгелектәрегеҙ үҙегеҙгә меңләтә кире ҡайтһын.

Гөлнара Солтанова.