Бөрө студенттары ла ярҙам итә

Бөрө медицина-фармацевтика колледжы ирекмән студенттары махсус хәрби операцияла ҡатнашыусылары өсөн маскировка селтәрҙәре эшләгән.

Алғы һыҙыҡтағы һалдат өсөн маскировка селтәре - бронежилет йәки каска кеүек үк кәрәкле әйбер. Шуға күрә дәрестәрҙән һуң һәр кис Бөрө медицина-фармацевтика колледжы ирекмәндәре дөйөм ятаҡта йыйыла һәм изге эш башҡара.

Студенттар бер маскировка селтәрен әҙерләп, фронтҡа тапшырған да инде, бының өсөн яугирҙәрҙән рәхмәт хаттары алғандар.

Тағы ла мобилизацияланған яҡташтарынан заказ килә, һәм балалар икеләтә тырышлыҡ менән эшкә тотона. Селтәрҙәре әҙер һәм гуманитар ярҙам менән бергә махсус хәрби операция зонаһына юлланасаҡ. Ирекмәндәрҙе материал менән (селтәр һәм таҫмалар менән туралған махсус камуфляж туҡыма) "Нужна помощь. Работа в тылу” төркөмө тәьмин иткән.

Сығанаҡ: vk.com/pobeda_birsk