Әбейҙәр сыуағы әллә ни йылы булмаҫ ул тиҙәрсе

Сентябрь уртаһына Башҡортостанда ямғырһыҙ һауа торошо урынлашты - ниһайәт Көньяҡ Уралға Үҙәк Рәсәй өҫтөндә урынлашҡан антициклон һырты барып етте. Алдағы аҙнала һауа торошо болотло булһа ла, ҡоро һәм ярайһы уҡ йылы — көндөҙ температура +19 градусҡаса етәсәк. Әммә төндә атмосфера ныҡ һыуынасаҡ һәм көндөҙгө сәғәттәрҙә генә йылынып өлгөрәсәк, өҫтәүенә болоттар йылылыҡтың бер өлөшөн «ашай». Әгәр әбейҙәр сыуағы йәйге температураның кире ҡайтыуы менән характерлана икән, быйыл ул бик тыйнаҡ буласаҡ.