Класташтар 40 йылдан һуң осрашты

Йәй күңелле осрашыуҙар өсөн бик матур мәл. Бер күрешеү үҙе бер ғүмер тип, Күнгәк урта мәктәбен 1985 йылда тамамлаған уҡыусылар осрашыу үткәрҙе.

" Әлбиттә, ҡырҡ йылдан һуң класташтар осрашыуы бик тулҡынланды­рғыс ваҡиға булды. Һиҙҙер­мәйенсә 40 йыл ғүмер үтеп тә киткән. Нисәмә йылдар уҙһа ла, мәктәп йылдарына хәтере­беҙ менән йыш әйләнеп ҡай­табыҙ.

Беҙ класта 24 уҡыусы инек: 12 ҡыҙ, 12 малай. Ҡыҙғанысҡа ҡаршы, биш класташыбыҙ ара­быҙҙан мәңгелеккә китте Шуға күрә лә осрашыуҙы мәсеттән башланыҡ. Бөгөн беҙҙең арала булмаған һабаҡташтарҙы, донъя ҡуй­ған уҡытыусыларҙы оло хөр­мәт менән иҫкә алып, хәҙрәттән доғалар уҡытып, зыйрат ҡылдыҡ.

Беҙгә белем биргән уҡыты­усыларыбыҙҙы ла саҡырҙыҡ, килә алмағандарының өйҙәренә барып хәлен белдек, мәктәп йылдарын иҫкә алдыҡ.

Йылдар үҙенең эҙен ҡалдырған, сәстәргә салдар ҡунған, маңлайҙарға һырҙар ярған. Мәктәптә уҡыған йыл­дарыбыҙ, бала саҡтар йыраҡта ҡалһа ла, барыһы ла хәтерҙә, ошо баласаҡ иҫтәлектәребеҙ ҙә беҙҙең уртаҡ.

Мәктәп йылдары беҙгә бе­лем бирҙе, эш һөйөргә, ярҙам­сыл булырға, тормоштоң, яҡындарҙың, дуҫтарҙың һәм йәшәүҙең ҡәҙерен белергә, яҡшыны ямандан айырырға, намыҫлы булырға өйрәтте. Беҙ класс менән бергәләшеп мәктәп баҡсаһында, сөгөлдөр, бәрәңге баҫыуҙарында эшлә­нек, сәйәхәттәргә йөрөнөк, кисәләр, класс сәғәттәре үт­кәрҙек, пионерға индек, комсо­мол сафтарында бергә атланыҡ.

Мәктәп беҙгә белем генә түгел, беренсе тормош дәре­стәре лә бирҙе. Беҙ ошонда үҙе­беҙгә тоғро дуҫтар таптыҡ, шу­ның менән дә мәктәп ҡәҙерле һәм яҡын. Беҙ уҡытыусылары­быҙҙы яраттыҡ, һәр береһен хөрмәт иттек. Уҡыу ваҡытын­да талапсан булдылар, хәҙер аңлайбыҙ – улар беҙҙе яҡшы кешеләр итеп тәрбиәләргә ты­рышҡан.

Беҙҙең  һәр беребеҙ артабан уҡып, һөнәр үҙләштереп, бөгөн илебеҙ мәнфәғәте өсөн тырышып хеҙмәт һала. Арала  төрлө һөнәр эйәләре бар: медицина хеҙмәткәрҙәре, водитель, уҡытыусы, ашнаҡсы, нефтсе,  хатта үҙебеҙҙең йырсыбыҙ ҙа бар.

Осрашыу кисәһе  бик матур, күңелле үтте. Ошо саранан  ҡалған шатлыҡлы уй-кисерештәр күңелдәрҙә ма­тур йылы хәтирәләр булып бик оҙаҡ һаҡланыр, тип уйлайбыҙ. Артабан да берҙәм булайыҡ, теүәл булайыҡ! Тағы ла шундай күңелле осрашып күрешеүҙәр насип булһын! — тип хәбәр итте Күнгәк ауылынан Рауза Әсхәт ҡыҙы Таваева.

Наилә Имаева.