Асҡындар йәнә еңеүселәр исемендә!

Конкурс талаптарына ярашлы, ижади ҡарашлы тәрбиәсе милли биҙәүестәр менән байытылған милли стилдәге күлдәктәрҙә фотоға төшөп һала. Жюри ағзалары  уларҙың эшен юғары баһалай. Әминә — Гран-приға, ә Ләйсән Зөфәр ҡыҙы 2-се урынға лайыҡ була.

Бүләкләү тантанаһы Евразия ғилми-белем биреү үҙәгенең вуз-ара студенттар кампусында уҙа.

Ләйсән Зөфәр ҡыҙының төп эшенән тыш милли стилдәге кейемдәр тегеүе, милли биҙәүестәр яһауы тураһында яҙғайныҡ инде. Үҙенең тәрбиәләнеүселәре һәм уларҙың ата-әсәләре менән дә ошо юҫыҡта оҫталыҡ дәрестәре үткәреп тора ул.

 Афарин!  Милли рухлы райондаштарыбыҙҙы сираттағы уңыштары менән ҡотлайбыҙ!

Наилә Имаева.