Зөһрә Ғайнуллинаның ижад кисәһе үтте

Сара  Урмияҙ ауылында йәшәүсе әүҙем, шиғри күңелле ағинәй Зөһрә Ғайнуллинаның ижадына бағышланды.

“Ижад кисәһе бик матур, йәнле, күңелле үтте.  Шағирәбеҙҙең  ижад һәм тормош юлы менән таныштырҙыҡ. Сара Зөһрә апайҙың тәрән йөкмәткеле, тормошсан, рухлы шиғырҙары һәм йырҙары менән үрелеп барҙы.

“Урмияҙ ауылы ағинәйҙәре” һәм “Асҡын районы мөслимәләре” йәмәғәт ойошмаларын етәкләүсе Эльвира Суфиярова менән  Сәлимә Әбүбәкерова Зөһрә Ғайнуллинаның эшмәкәрлеге хаҡында һөйләне. Зөһрә апайҙың ҡыҙҙары һәм ейәнсәрҙәре сығышы кисәбеҙҙе тағы ла биҙәне.

Килгән ҡунаҡтар ҙа Зөһрә Ғайнуллинаға  үҙҙәренең йылы һүҙҙәрен һәм теләктәрен еткерҙе”,  - тип хәбәр итте Урмияҙ ауыл китапханасыһы Маргарита Әүхәҙиева.

Наилә Имаева.