Яугирҙарға гуманитар ярҙам оҙаттылар

Петропавловка ауылы эшҡыуарҙары   Карчитьян Армен,  Мәғруфов Илвин,Сабитов Фәһем  яугирҙарға блиндаждар эшләр өсөн бик кәрәк булған таҡта материалдары әҙерләп бирә.  Петропавловка, Ҡыйғаҙы ауылдарының уңған хужабикәләре бауырһаҡтар бешерә, дарыу үләндәре, миндектәр әҙерләй.

Петропавловка, Ҡыйғаҙы мәктәптәре коллективтары ла был изге эшкә дәррәү ҡушыла.

Улар ягирҙарҙың шәхсән үтенестәре буйынса ла посылкалар тултырып ебәрә.

“Ир-егеттәргә йылы кейемдәр ҙә, тәмле ризыҡтар ҙа, гигиена кәрәк-яраҡтары ла, шифалы үләндәр ҙә  оҙатылды. Ошо ярҙам менән тыуған яғыбыҙҙың сәләмдәре, йылылығы барып етһен ине”, - ти улар.

- Ярҙамды һәр ваҡыттағыса тотош ауыл биләмәһе халҡы менән йыйҙыҡ. Барыһына ла ҙур рәхмәт! Ылау имен барып етеп, һалдаттарға тыуған яҡ сәләмен еткерһен, күстәнәстәр көс-дәрт өҫтәһен, кәрәк-яраҡтары хеҙмәттәрендә ярап ҡалһын! Тиҙерәк Еңеү килһен! Донъяла тыныслыҡ урынлашһын! – тип хәбәр итте Петропавловка ауыл биләмәһе башлығы Альбирт Ҡәҙимов.

Наилә Имаева.