Асҡындар лайыҡлы сығыш яһаны

Унда Асҡын районы башҡорттары ҡоролтайы рәйесе Ирек Ҡәҙимов менән  Йәштәр ҡоролтайын етәкләүсе Ләйсән Ғәлимова ҡатнашты.

Сара башында йәштәрҙе сәләмләп, Бөтә донъя башҡорттары ҡоролтайы Башҡарма комитеты рәйесе, Башҡортостан Дәүләт Йыйылышы - Ҡоролтай депутаты Юлдаш Йосопов быйыл башҡарылған эштәр тураһында бәйән итә.

Башҡорт телен һаҡлау һәм үҫтереү буйынса коммерцияға ҡарамаған автономиялы ойошма үткәргән квиз уйыны ла бик фәһемле уҙа. Унда ҡатнашыусылар  халҡыбыҙҙың тарихы буйынса белемен һынап ҡарай: уйындың темаһы “Башҡорт батырҙары” була.

“Рухлы йәштәр – халҡым йәшәр” стратегик сессияһында  асҡындар әүҙем ҡатнаша.
Йомғаҡлау тантанаһынан һуң “Рух” башҡорт йыры фестиваленең гала- концертында иһә  Асҡын 1-се урта мәктәбе  уҡыусыһы Яҙгөл Абрарова (етәксеһе Әлфиә Шаймарҙанова) башҡорт халыҡ йыры “Ерән ҡашҡа” ны  башҡара. Бик күп конкурстар лауреаты булған һәләтле ҡыҙ яҡшы һөҙөмтәләр күрһәткәне, халҡыбыҙҙың рухи байлығын,  мәҙәниәтен,  сәнғәтен үҫтереүгә, таратыуға һәм һаҡлауға  тос өлөш индергәне өсөн Бөтә донъя башҡорттары ҡоролтайының дипломы менән бүләкләнә.

Фестивалде Бөтә донъя башҡорттары ҡоролтайы (конгресы) булышлығында Бөтә донъя башҡорттары ҡоролтайына ярҙам фонды ойоштора. Сараны финанслау Башҡортостан Башлығы гранттары фонды, шулай уҡ бағыусыларҙың, партнерҙарҙың йәлеп ителгән аҡсаһы иҫәбенә бойомға ашырыла.

Асҡындар был йомғаҡлау сараһынан тәжрибә туплап, яңы уй-фекерҙәр төйнәп, бай тәьҫораттар алып ҡайта.

Наилә Имаева.