ШИФАХАНА ЯРҘАМЫ

Был хаҡта республика Хөкүмәтендәге оператив кәңәшмәлә шифахана директоры Кашаф Ямалетдинов һөйләгәйне.

- 2022 йылдан беҙ Махсус хәрби операциялағы яугирҙарыбыҙ өсөн пластик шешәләргә тултырылған һыу рәүешендә гуманитар ярҙам ебәрәбеҙ. Барлығы 123 тонна эсәр һыу оҙатылған, - тип билдәләне Кашаф Ямалетдинов.
Шулай уҡ Махсус хәрби операцияла ҡатнашыусыларға һәм уларҙың ғаилә ағзаларына социаль ярҙам күрһәтеү сиктәрендә шифаханала реабилитация программалары тормошҡа ашырыла.
Республика Башлығы Радий Хәбиров шифахана етәкселегенә яугирҙарға һәм уларҙың ғаиләләренә күрһәткән ярҙамдары, шулай уҡ Махсус хәрби операция биләмәһенә һәм башҡа гуманитар маҡсаттарҙа эсәр һыу ебәргәндәре өсөн рәхмәт белдерҙе. "Мохтаждарҙы эсәр һыу менән тәьмин итергә кәрәк булғанда, һеҙ беҙгә ярҙам итәһегеҙ. Мәҫәлән, апрелдә Ырымбур өлкәһе халҡына, дамба йырылыуҙан зыян күргәндәргә, һыу оҙатыуҙы ойошторҙоғоҙ, - тип билдәләне төбәк Башлығы Радий Хәбиров. - Беҙ Махсус хәрби операция биләмәһенә даими рәүештә ярҙам ебәрәбеҙ, һәм һеҙҙең гуманитар ылауҙарҙы туплауға индергән өлөшөгөҙ бик мөһим".
Әйткәндәй, "Танып" шифаханаһы - йыл әйләнәһенә эшләүсе бальнеотерапия күп профилле шифаханаһы. Ул Башҡортостандың төньяҡ-көнсығышында, Асҡын районының Яңы Ҡаҙансы ауылында, урынлашҡан.
Һауыҡтырыу туризмы һәм корпоратив һаулыҡ ассоциацияһы мәғлүмәттәре буйынса, "Танып" шифаханаһы Рәсәйҙең иң яҡшы 100 шифаханаһына ҡарай. 2024 йылдың апрелендә "Танып", илдең шифахана-курорт тармағында беренсе булып, "Хеҙмәт етештереүсәнлеге" милли проектына инде.

https://vk.com/kiskeufa?from=search&w=wall-36948678_11124