Солтанбәк ауылында урынлашҡан “Сарс” лагерында балалар файҙалы һәм күңелле ял итһен өсөн барлыҡ шарттар булдырылған.
“Ваҡыт серҙәре” тип аталған өсөнсө сменаға районыбыҙҙан тыш, Өфө ҡалаһынан, Благовещен, Шишмә райондарынан барыһы 45ҡыҙ һәм малай килде. Улар иҫәбендә махсус хәрби операцияла ҡатнашыусыларҙың да балалары бар.
Лагерь начальнигы Наилә Ильясова етәкселегендә тәрбиәселәр ял итеүселәргә бай һәм ҡыҙыҡлы программа әҙерләгән. Улар бергәләп ваҡыт серҙәрен асасаҡ!
Иң мөһиме, балаларҙың йәйге ялы хәүефһеҙ , имен үтһен!
Наилә Имаева.