Ҡарткиҫәктәр бер быуатлыҡ юбилейға етди әҙерләнгәйне. Ауылға йәм биреп балҡып ултырған белем усағы матур итеп биҙәлгән, ихатала төрлө күргәҙмәләр һәм майҙансыҡтар ойошторолған, иртә менән мәктәп музейында Фәнирә Мәүли ҡыҙы Нәбиуллина ҡунаҡтарҙы ауыл һәм белем усағы тарихы менән таныштырып, бай мәғлүмәт менән уртаҡлаша.
Алсаҡ йөҙлө уҡытыусылар, сәскәләр, шарҙар тотҡан уҡыусылар әллә ҡайҙан ҡунаҡтарҙы ҡаршы алып, сараға йыйылыусыларҙы сәләмләп тора.
Мәктәп ихатаһында бығаса булмаған йәнлелек - төрлө йәштәге кешеләр гөж килә.
Был иртәлә нисәмә йылдар дауамында күрешмәгән һабаҡташтар табышып, күрешеп, һөйләшеп һүҙҙәре бөтмәне, ҡасандыр үҙҙәренә белем биргән уҡытыусылары менән осрашып, хәтирәләр яңыртты.
Наилә Имаева.