Афарин, Даяна!

“Урал батыр”  эпосын башҡарыусыларҙың һәм йәш сәсәндәрҙең төбәк-ара конкурсының йомғаҡлау этабы үтте. Быйыл бәйге баш ҡаланың 450 йыллыҡ юбилейы һәм Салауат Юлаевтың тыуыуына 270 йыл тулыуға арнап ойошторолдо.

 Конкурстың йомғаҡлау этабында 53 яңғыҙ башҡарыусы һәм 17 фольклор коллективы ҡатнаша.

Бүләкләү тантанаһында Асҡын 2-се балалар  баҡсаһы сығарылыш тәрбиәләнеүсеһе  Даяна Әүбәкерова  ла етәксеһе Ләйсән Ғәлимова менән ҡатнашты. Даяна  махсус бүләккә һәм Дипломға лайыҡ булды.

 Һәләтле Даянаға һәм  уның етәксеһе Ләйсән Зөфәр ҡыҙына алда ла тик уңыштар, яңы ҡаҙаныштар теләйбеҙ!

 Наилә Имаева.