Тирә-яҡ таҙарып, матурланып ҡала

Ҡубияҙ ауыл биләмәһендә  иртә яҙҙан ҡара көҙгә тиклем  ауылды төҙөкләндереү,  тирә-яҡты сүп-сарҙан таҙартыу буйынса өмәләр даими уҙа.

“Уҙған аҙнала  Ҡыҙыл армеецтар  урамында  йәшәлмәгән йорт урындары, Бәкер урамы (Нуртдинов Наил ағай) йәшәгән йорт алды тәртипкә килтерелде. Техника менән  Туҡтағолов Наил, Абраров Айрат, Солтанәхмәтов  Рәүзәт, Ғарифуллин Рәдиф һәм шул урамда йәшәүсе егеттәрҙең барыһына ла рәхмәт. Ниндәй генә эш ойошторорға булһаҡ та, ауылдаштарыбыҙ хуплап, бергәләп ярҙам итә.  Ғөмүмән,  һәр эште башлап, ойоштороп йөрөүсе кешеләр бар. Мәҫәлән, түбән оҫта  беҙҙең  Мөхәмәтнур ағай Ғәйнелйәновҡа ауыл халҡы исеменән рәхмәт белдерәбеҙ”, — тип хәбәр иттеләр Ҡубияҙ ауыл Советы хакимиәтенән.

Наилә Имаева.