Асҡын 2-се балалар баҡсаһында Науруз байрамы гөрләп уҙҙы

“Асҡын 2-се балалар баҡсаһында  үҫеп килеүсе быуынды милли рухта тәрбиәләүгә ҙур иғтибар бүленә. Халҡыбыҙҙың төрлө йолаларына, байрамдарына, уйындарына арнап мауыҡтырғыс саралар, бәйгеләр үткәрелә. Ошондай рухлы сараларҙың береһе – Наурыз байрамы - балалар баҡсаһында бик матур итеп уҙғарылды, - тип хәбәр итте балалар баҡсаһы мөдире Лариса Мөхәмәтшина. -  Балалар әкиәт геройҙары менән бергә биремдәр үтәне, шиғырҙар һөйләне, йырҙар йырланы, күңелле уйындарҙа ҡатнашты. Байрам бөтә төркөмдә лә ҙур ойошҡанлыҡ менән үтте һәм кескәйҙәргә бик оҡшаны”.

Наилә Имаева.