Окоп шәмдәре һалдаттарҙы йылытһын!

Ҡышҡы һалҡындарҙа махсус хәрби операциялағы егеттәргә окоп шәмдәре айырыуса кәрәк. Ул елдә һүнмәй, төтәмәй. Аҙыҡты йәки сәйҙе эҫетеү, бер аҙ йылынып алыу өсөн дә ярҙамы ҙур. Консерва банкаһы, ҡатырға, парафин ярҙамында окоп шәмдәрен яһап ебәреүселәр арабыҙҙа байтаҡ.

Солтанбәктәр ҙә бөгөн сираттағы тапҡыр ауыл мәҙәниәт йортона йыйылып, бергәләшеп окоп шәмдәре әҙерләне. Был акцияны улар Урындағы башланғыстарҙы яҡлау программаһында ҡатнашыу сиктәрендә һайлаған проектты яҡлауға бағышланы.

Һәр кем изге теләктәрен теләп, изге эшкә үҙ өлөшөн индерҙе.

Бөгөн улы махсус операцияла булған  Гөлсөм апай ҙа беренселәрҙән булып эшкә ҡушылды.

Наилә Имаева.

#Аскинскийрайон
#Султанбеково
#СвоихНеБросаем
#ОкопныеСвечи
#трезвоесело
#айыҡауыл