Урал батыр вариҫтары һоҡландырҙы

Асҡын 2-се урта мәктәбендә “Урал батыр” эпосын яттан һөйләү буйынса халыҡ-ара конкурсының муниципаль этабы уҙҙы. Унда 10 мәктәптән  барлығы  36 бәйгесе ҡатнашты.

Улар эпосты  башҡорт,  рус, татар, инглиз, ғәрәп, француз телдәрендә һөйләп, жюри ағзаларын һоҡландырҙы. Башҡорт телендә һөйләүселәр араһында  — Әмир Хәсәнов, Самир Абдуллин, рус телендә — Ильяс Мөхәмәтйәнов, Диана Әхмәрова һәм Асҡын 2-се мәктәбенең “Инеш” фольклор коллективы, инглиз, ғәрәп, француз  телдәрендә  Искәндәр Лотфуллин  еңеүсе тип табылды. 

Гран-приға Асҡын 2-се урта мәктәбенең 4-се класс уҡыусыһы Яҙгөл Абрарова лайыҡ булды.

 Йәш сәсәндәрҙе һәм уларҙы әҙерләүсе уҡытыусыларҙы, ата-әсәләрҙе ихлас ҡотлайбыҙ һәм рәхмәт белдерәбеҙ!

 Наилә Имаева.