Асҡындар “Мостай уҡыуҙарында” призлы урындар яуланы!

Унда  районыбыҙҙың да телһөйәр уҡыусылары һәм уҡытыусылары ҡатнашты.

 Асҡын 2-се урта мәктәбенең 10-сы класс уҡыусыһы  Азалия  Шаһиева  (етәксеһе  — башҡорт теле һәм әҙәбиәте уҡытыусыһы Дилбәр  Зөфәр ҡыҙы Заһиҙуллина), Ҡышлауйылға урта мәктәбенең 6-сы класс уҡыусыһы Рәмилә Әхмәтғәлиева  — етәксеһе башҡорт теле һәм әҙәбиәте уҡытыусыһы Лилиә Мәғәфүр ҡыҙы Вәлиева)  һәм Асҡын 1-се урта мәктәбе уҡытыусыһы  Эльвира Ғәли ҡыҙы Лотфуллина был тантаналы сараға барҙы. 

"Атасаҡ таң, киләсәк яҙ өсөн..." номинацияһында бөйөк шағирыбыҙҙың шиғырын яттан һөйләп, телһөйәр уҡыусылар Азалия менән Рәмилә  — уҡыусылар араһында,   Эльвира Ғәли ҡыҙы  уҡытыусылар  араһында  призер булды.

Тырыш, ныҡышмал, рухлы уҡыусыларыбыҙҙы һәм уларҙың ижади ҡарашлы  уҡытыусыларын, төрлө конкурстарҙа әленән-әле ҡатнашып, еңеүҙәре менән һөйөндөрөп торған Эльвира Ғәли ҡыҙын  ысын күңелдән ҡотлайбыҙ. Киләсәктә лә райондаштарыбыҙға уңыштар, яңынан-яңы ижади үрҙәр һәм еңеүҙәр яулауҙарын теләйбеҙ.

Наилә Имаева.