Мәктәп йәрминкәһе гөрләп үтте

“1-се – 11-се класс уҡыусылары береһен-береһе уҙҙырып  үҙҙәре әҙерләп алып килгән тауарҙы һатты. Кемдер үҙенсәлекле ризыҡ бешереп алып килгән, кемдер – тоҙланмалар, кемдер – йәшелсә-емеш, кемдер - үҙенсәлекле сувенир. Иң мөһиме, тауарҙы  матур итеп, кеше һатып алырлыҡ итеп тәҡдим итеү. 

Жюри ағзалары сауҙа рәттәрен  ҡарап сығып, 11 номинация буйынса еңеүселәрҙе асыҡланы. Уларҙы  Ҡышлауйылға ауыл биләмәһе башлығы Илфат Хәлфәт улы Ғатин тәбрикләп,  грамоталар тапшырҙы.

Иң яҡшы тауарҙар һайлап алынды. Улар иртәгә район үҙәгендә уҙасаҡ мәктәп йәрминкәһендә тәҡдим ителәсәк”, — тип хәбәр итте мәктәп директоры Земфира Равиль ҡыҙы Суфиярова.