Асҡындың гүзәл заттарын лайыҡлы наградалары менән ҡотлайбыҙ!

Конкурс йәмғиәттә ҡатын-ҡыҙ ролен күтәреү, халыҡ йолалары һәм этнопедагогика нигеҙҙәрен тергеҙеү маҡсатында 7-се йыл рәттән ойошторолдо. Икенсе йыл бәйге Бөтә Рәсәй кимәлендә үткәрелде: күләмле сараның   финалында Мәскәү, Сочи ҡалаларынан, Ханты-Манси автономиялы округынан, Татарстан Республикаһынан гүзәл заттар ҡатнашты.

Асҡын районынан да бәл мәртәбәле бәйгенең муниципаль этабында еңеү яулаған 9 гүзәл зат ҡатнашты. Улар түбәндәге номинацияларҙа еңеүсе тип билдәләнгәйне:

Луиза Радик ҡыҙы Хәсәнова — ”Лидер” (яҡшы ойоштороусылар, ирекмәндәр, шул иҫәптән Донбасс халҡына һәм СВО-ла ҡатнашыусылар гуманитар ярҙам ойоштороуҙа әүҙемлек күрһәтеүсе ҡатын-ҡыҙҙар),

Зимфира Рәмил ҡыҙы Зарифуллина һәм Эльвира   Мулланур ҡыҙы Вәлиева  — ”Мәҙәниәт” (милли ҡиммәттәр, Рәсәй халыҡтары традициялары мәнфәғәтенә эшләүселәр),

Зөлфиә Камил ҡыҙы Әминова — ”Медицина эшсәне” (пандемияла һәм Донбасста эшләүсе ҡатын-ҡыҙ табиптар араһында),

Әнүзә Мостафа ҡыҙы Ғилфанова — ”Көмөш ирекмән” (әүҙем ижтимағи эшмәкәрлек алып барыусы 60 йәштән өлкән ҡатын-ҡыҙҙар араһында),

Ләйсән Зөфәр ҡыҙы Ғәлимова — ”Педагог”(белем биреү өлкәһендә эшләүселәр),

 Ольга Викторовна Белоусова — ”Бизнес-леди” (хәйриәлек һәм ижтимағи тормошта әүҙемлек күрһәтеүсе эшҡыуарҙар),

Зәриә Мәғсәт ҡыҙы Усманова ”Оҫта”(халыҡ кәсептәрен таратыусылар араһында)

Флүзә Мәхмүт ҡыҙы Сәлихова  —  “Йәштәр лидеры”.

Быйыл тантана  илһөйәрлек рухында уҙҙы.   Гүзәл заттарҙың ҡаҙаныштары 10 номинация буйынса билдәләнеп, һәр береһендә өсөшәр кеше  бүләкләнде.

Районыбыҙҙың әүҙем йәмәғәтсе ҡатын-ҡыҙҙары ла төрлө кимәлдәге наградалар менән бүләкләнде.

Мәҫәлән,  Әнүзә Мостафа ҡыҙы   ”Көмөш ирекмән” номинацияһында еңеүсе тип танылды!

Ольга Викторовна халыҡ-ара дуҫлыҡ һәм именлекте нығытыуға индергән ҙур өлөшө  өсөн  Башҡортостан Республикаһының Халыҡтар дуҫлығы йортоноң Почет Грамотаһына һәм иҫтәлекле бүләккә эйә булды.

Флүзә  Мәхмүт  ҡыҙы      Башҡорт  ҡатын-ҡыҙҙары  йәмғиәтенең  Почет грамотаһына лайыҡ булды. 

Наилә Имаева.