Әҙиптәребеҙгә юғары наградалар тапшырылды

 Яҙыусылар съезы ла тарихта ҡалды.

Алдараҡ хәбәр итеүебеҙсә, дүрт әҙип Башҡортостандың халыҡ яҙыусыһы, халыҡ шағиры исеменә лайыҡ булды. Унан тыш, Башҡортостандың халыҡ шағиры Хәсән Назарға – "Башҡортостан Республикаһы алдындағы ҡаҙаныштары өсөн", Зөһрә Ҡотлогилдинаға, Зәки Әлибаевҡа – Салауат Юлаев, Фәрзәнә Аҡбулатоваға Халыҡтар дуҫлығы ордендары тапшырылды.

"Һәнәк" журналының баш мөхәррире Миләүшә Ҡаһарманова Башҡортостан Республикаһының Почет грамотаһы менән бүләкләнде. Шулай уҡ Дәүләт Йыйылышы – Ҡоролтайҙың, Мәҙәниәт министрлығының баһаһына лайыҡтар билдәләнде. Лилиә Ҡәйепова, Рәшит Зәйнуллин, Рәшиҙә Бикмәтова, Фәнис Янышев, Владимир Кузьмичевтарға "Башҡортостандың атҡаҙанған мәҙәниәт хеҙмәткәре" исеме бирелде.

Әҙиптәребеҙҙең барыһын да ихлас ҡотлайбыҙ, артабан да уңыштар теләйбеҙ!

Айрат Нурмөхәмәтов фотолары.

Автор:Равиля Гатауллина

https://bashgazet.ru/articles/-bi-t-m-m-ni-t/2022-12-16/ipt-rebe-g-yu-ary-nagradalar-tapshyryldy-3076427?utm_source=vk&utm_medium=social&utm_campaign=104965500