Ҡаҙ өмәһе - муллыҡ байрамы!

“Ҡашҡа ауылында йәшәүсе Вәрисә һәм Рәйес Вәғизовтар ғаиләһендә Ҡаҙ өмәһе үткәрҙек. Әйткәндәй, улар йыл да күпләп ҡаҙ алып ҡарай. “Ҡаҙ бик файҙалы: ите лә тәмле, бәлеше лә , ә майын быуындар һыҙлағанда, йүтәл төшкәндә һөртөргә була, мамығынан мендәрҙәр яһап ҡуябыҙ. Ҡаҙ үҫтергән кеше бер ваҡытта ла отолмаясаҡ, тик тырышлыҡ кәрәк”, - ти уңған хужабикә.

Өмә йыр-бейеү, тапҡыр һүҙҙәр әйтешеү, йомаҡтар ҡойоу менән үрелеп, бик күңелле үтте”, - тип хәбәр итте Ҡашҡа ауыл мәҙәниәт йорто методисы Фәрзәнә Яруллина.

Наилә Имаева.