Элек-электән Ватанға хеҙмәт итеү ир-егеттәр өсөн изге ғәмәлдәрҙең береһе булған һәм бөгөн дә ул шулай булып ҡала.18 йәше тулған егеттәр мотлаҡ Ватаныбыҙ һағына баҫа.Саҡырылыштағы хәрби хеҙмәт ваҡыты - бер йыл. Хеҙмәт итеү осоронда егеттәр тормош тәжрибәһе туплап, физик яҡтан ғына түгел, рухи яҡтан да нығынып ҡайта.
Бөгөн Асҡын районынан ике егет әрме хеҙмәтенә юлланды: Асҡын ауылынан Нур Илдар улы Миңлеғәлиев һәм Петропавловканан Руслан Владик улы Ниғәмәтйәнов. Ғәзиздәрен оҙатырға ата-әсәләре, туғандары, дуҫтары килгәйне. Һәр кемдең теләге бер: илебеҙ тыныс, имен булһын, егеттәр иҫән-һау хеҙмәт итеп, яҡындары янына иҫән-имен әйләнеп йөрөп ҡайтһын!
Һалдаттарға еңел, имен хеҙмәт теләйбеҙ. Хәйерле юл, егеттәр!
Наилә Имаева.