«Балҡыш»тарҙың сираттағы балҡышы

Өфөлә Республиканың балалар һәм йәштәр театрҙарын үҫтереүгә, һәүәҫкәр театр сәнғәтен пропагандалауға һәм артабан үҫтереүгә булышлыҡ итеүгә йүнәлтелгән «Театраль Өфө» республика фестивале үтте. Фестивалдә Балтас, Йылайыр райондарынан, Өфө, Бөрө, Салауат, Белорет һәм башҡа ҡалаларҙан балалар һәм йәштәр театр коллективтары ҡатнашты.
Балтас районы  данын яҡлаған "Балҡыш" халыҡ театры коллективы режиссер Редик Ғәниев сәхнәләштергән Уильям Шекспирҙың "Король Лир"  трагедияһы менән сығыш яһап, Гран-приға лайыҡ булды.

Гөлназ Ғәлләмова.