Асҡында фатир асҡыстары тапшырылды

Республика көнө алдынан райондаштарыбыҙҙың күптәнге хыялдары тормошҡа ашты.

Район хакимиәте башлығы Динис Рәдис улы Йосопов етем һәм инвалид балаларға яңы төҙөлгән йорттан фатир асҡыстары тапшырҙы.

Тантаналы сарала Башҡортостандың ғаилә, хеҙмәт һәм халыҡты социаль яҡлау министры урынбаҫары Тимур Басир улы Кәримов һәм район прокуроры Нияз Низаметдин улы Фәйезов ҡатнашты.

Бөтә талаптарға яуап биргән йорт “ Торлаҡ һәм ҡала мөхите” милли проекты буйынса төҙөлдө.

Наилә Имаева.