Сәскә ат, Башҡортостан!

Йылдағыса, күркәм байрамды асҡындар матур һәм тантаналы ойошторҙо. Тәүҙә байрам ҡунаҡтары – Башҡортостандың ғаилә, хеҙмәт һәм халыҡты социаль яҡлау министры урынбаҫары Тимур Басир улы Кәримов, район хакимиәте башлығы Динис Рәдис улы Йосопов һәм уның урынбаҫарҙары райондың мәғариф, мәҙәниәт учреждениелары, ойошма-предприятиелары, районыбыҙ йүнселдәре ойошторған күргәҙмә менән танышты

Асҡын тарих-тыуған яҡты өйрәнеү музейы, шәхси эшҡыуар Гөлсиәр Сәғитова, Асҡын 2-се урта мәктәбе коллективы, Мәшғүллек үҙәге, “Ғаилә” хеҙмәте, Асҡын мәғлүмәт үҙәге, Балалар сәнғәт мәктәбе, Асҡын үҙәкләштерелгән район китапханаһы, Башҡорт ауыл хужалығы һөнәри колледжы, Ҡарткиҫәктән танылған умартасылар Мулләхмәтовтар ғаиләһе, балалар баҡсалары коллективтары әҙерләгән бай күргәҙмә материал һәм продукция барыһында ла һоҡланыу уятты. Өфө ҡалаһынан килгән йүнселдәр ҙә үҙҙәре етештергән продукцияны һата алды.

Наилә Имаева.