«Ағиҙел-Йондоҙсоҡтар» командаһы - беренсе!

"Йәшлек" физкультура-сәләмәтләндереү комплексы тәрбиәләнеүселәре Бөтә Рәсәй ярыштарында еңеү яуланы.

14-17 сентябрҙә Удмуртия Республикаһының Ижевск ҡалаһында эстетик гимнастика буйынса «Өмөт кубогы» Бөтә Рәсәй ярыштары үтте. Балтас районынан ярышта тренер Наталья Абдуллина етәкселегендәге «Ағиҙел-Йондоҙсоҡтар» командаһы (6-8 йәш категорияһында) лайыҡлы сығыш яһап, бик яҡшы һөҙөмтәләр күрһәтеп, почетлы беренсе урынды яуланы! Ысын күңелдән «Ағиҙел-Йондоҙсоҡтар» командаһын һәм уларҙың тренеры Наталья Марат ҡыҙын еңеү менән ҡотлайбыҙ!

Гөлназ Ғәлләмова.