Ләйсән Ҡыш бабайға бейеп күрһәтте

Бөгөн “Батыр” физкультура-һауыҡтырыу комплексында сәләмәтлектәре буйынса мөмкинлектәре сикләнгән балалар өсөн Шыршы байрамы үтте.

Байрамға килеүсе балалар араһында Упҡанкүлдән Ләйсән Ғабдуллина ла бар ине. Яңы йылды түҙемһеҙлек менән көткән ҡыҙ әсәһе менән байрамға килгәйне.

Ләйсәнгә 11 йәш. Бик тырыш ҡыҙыбыҙ. Һүрәт төшөрөргә, музыка тыңларға, бейергә ярата. Уҡытыусыһы Светлана Әдип ҡыҙы ярҙамында шар менән бейеү өйрәнеп, бөгөн Ҡыш бабайға бейеп күрһәтте. Бик ҡәнәғәт ҡалды үҙе. Байрам беҙгә оҡшаны. Бик күңелле, матур итеп ойошторғандар. Барыһына ла рәхмәт, — тине Ләйсәндең әсәһе.

Ҡарткиҫәктән Фәнүзә апай Миңлеғәлиева ейәне Линар һәм ейәнсәре Линара менән килгәйне байрамға. Улар ҙа байрамдың күңелле, сағыу булыуын билдәләп, рәхмәт белдерҙе ойоштороусыларға.

Наилә Имаева.

Читайте нас:

© 2025 Сайт издания "Йәнтөйәк" Копирование информации сайта разрешено только с письменного согласия администрации. Башҡортостан Республикаһының Матбуғат һәм киң мәғлүмәт саралары агентлығы һәм Башҡортостан Республикаһының "Башҡортостан Республикаһы" Нәшриәт йорто дәүләт унитар предприятиеһы.

Об использовании персональных данных

Телефон

8(34771) 2-18-50

Электрон почта

yantiyak@yandex.ru

Адресы

452880, Аскинский район, с. Аскино, ул. Блюхера, 10

Реклама хеҙмәте

8(34771) 2-20-60

Редакция

8(34771) 2-18-50

Кадрҙар бүлеге

8-34771 (2-19-30)