Һүҙ ҡөҙрәтен белә ҡариҙелдәр

Кисә Башҡортостан Республикаһы мәғарифты үҫтереү институтында Мостай Кәримдең тыуыуына 100 йыл тулыуға арналған “Тере шишмәләр” республика тасуири уҡыу конкурсы үтте. Сарала ҡариҙелдәр ҙә ҡатнаша.

Был бәйгенең беренсе этабы дистанцион үтә. Ҡариҙелдәр Мостай Кәримдең “Айгөл иле” драмаһынан өҙөктө тасуири һөйләп, видеороликты жюри ҡарамағына ебәрә. Беренсе тур йомғаҡтары буйынса иң көслө ҡатнашыусылар Өфөгә “Тере шишмәләр” тасуири уҡыу конкурсына саҡырыла. Улар араһында Яңы Бәрҙәш мәктәбе уҡытыусыһы Зилиә Ғиндуллина менән 9-сы класс уҡыусыһы Розалина Хөбөтдинова ла бар. Бәйгелә ҡатнашып, улар “Уҡытыусы-уҡыусы” номинацияһында 2-се дәрәжә диплом менән бүләкләнә.

Наилә Имаева.

https://vk.com/karruno