Асҡын ауылы “Ҡояшҡай” балалар баҡсаһында Халыҡ-ара ҡоштар көнөнә арналған матур сара үтте

Уның сиктәрендә тәрбиәселәр Хәфизә Ғимранова менән Глүсә Ғәлиева танып белеү дәрестәре, әңгәмәләр һәм күңелле саралар ойошторҙо.

Балалар ҡоштар тураһында йомаҡтар систе, шиғырҙар уҡыны, һүрәттәр ҡараны, ҡош тауыштары менән аудиояҙмаларҙы ҙур ҡәнәғәтлек менән тыңланы. Тәрбиәселәр ҡанатлы дуҫтарға ҡышын көслө бурандар, һалҡындар ваҡытында ни тиклем ауыр булыуы, шуға күрә уларға ярҙам итергә кәрәклеге тураһында һөйләне. Балалар ҡоштарҙың ниндәй файҙа килтереүе, уларға бағышлап күп йыр, шиғыр, әкиәт яҙылғанлығын белде.

Алия Исламова.