“Күргәҙмәләрҙе ҡарап, хайран ҡалдыҡ”, — ти Фәнирә Мәүли ҡыҙы

“Был сара шул тиклем оҡшаны! Ғафури ағинәйҙәре ҡунаҡтарҙы 8 тирмәлә ҡабул итеп, тәмле аштар менән һыйланы, оҫталыҡ дәрестәре күрһәтте, тәжрибәләре менән уртаҡлашты. Өҫтәлдәрҙә тик милли аш-һыуҙар ҡуйылғайны. Уларҙың төрлөлөгөнә иҫең китер! Һәр тирмәлә ҡаҙан аҫылған, тирмә артында күмер самауырҙары шыжлап ҡайнап тора. Ғафуриҙарҙың ҡунаҡсыллығына, берҙәмлегенә, уңғанлығына таң ҡалып йөрөнөк.