Солтанбәк урта мәктәбендә яугир менән осрашыу үтте

Солтанбәк урта мәктәбендә яугир менән осрашыу үтте.
Яугир яҡташыбыҙ  — Миңлеғәле Шайморатов исемендәге башҡорт батальонында командир булып хеҙмәт итә. Өлкән сержант яңы ғына махсус хәрби операциянан ялға ҡайтҡан. Өфө ҡалаһында йәшәһә лә, тыуған яғын, ата-бабалар төйәген онотмай, атаһының ҡәберенә һәйкәл - таш ҡуйып, кәртәләп, олатаһының йортон яңыртырға, төҙөкләндерергә тигән ниәттәр менән янып йәшәй.
Бөгөнгө уҡыусылар менән осрашҡанда ла ул балаларға тыуған яҡҡа һөйөү, тыуған нигеҙҙе онотмаҫҡа, ҡәҙерләргә, яратырға тигән өгөт-нәсихәттәр бирҙе.

Һүҙен тамамлап, махсус хәрби операцияла ҡатнашҡан яугирҙарға ярҙам иткән бөтә кешеләргә, хаттар яҙған балаларға ҙур рәхмәттәр әйтте һәм "Еңеү беҙҙеке буласаҡ!", - тине.
Барлыҡ һалдаттарҙың тыуған яҡтарына иҫән - һау әйләнеп ҡайтыуҙарын теләп ҡалабыҙ!

Наилә Имаева.