Декабрь ниндәй буласаҡ?

Декабрҙе сентябрҙә үк күҙаллап ҡуйғайнылар инде. Ул саҡта был айҙың башы сағыштырмаса йомшағыраҡ булыуы фаразланғайны.

Яңы ихтималлауҙар әллә ни айырылмай. 

Шулай ҙа синоптиктар ай урталарында ҡапыл һыуытасаҡ, ти. Нимәһе ҡыҙыҡ: уртаса температура -10 градус булыуы ихтимал. Ул һыуыҡмы ни инде?!

Декабрь аҙағында -20 градусҡаса төшөүе күҙаллана. Һәм йыш ҡына төндә ошондай температура. Тимәк, барыбер ныҡ һыуыҡ түгел.

Тағы шуныһы: белгестәр ҡапыл һыуытып, ҡапыл йылытып торасағын да фаразлаған. Уныһы инде насар. Сөнки һаулыҡҡа зыяны булыуы мөмкин.

Дөйөм алғанда, ҡар күп яумаясаҡ.

Теүәлерәк күҙаллауҙар ай яҡынлашҡас буласаҡ.

Фото З. Нартдинова

Автор:Алһыу Ишемғолова