Байрам концерты күңелдәргә рух өҫтәне

“Беҙ һеҙҙе онотмайбыҙ, батырҙар!” тип аталған байрам концерты район Мәҙәниәт йортоноң “Хазина” халыҡ фольклор коллективының “Хәтер” театрлаштырылған тамашаһынан башланып китте. Концертҡа “Еңеү салюты-2022” район смотр-фестиваленең иң яҡшы номерҙары индерелгәйне. Хәрби темаға арналған бейеүҙәр, йырҙар, шиғырҙар илһөйәрлек, Еңеү яулап ҡайтҡан ветерандарыбыҙға дан, рәхмәт хисе менән һуғарылғайны. Һәр сығышты тамашасылар алҡышлап ҡаршы алды, тулҡынланып ҡараны.

Илһөйәр Махатова.