Исемдәре мәңгеләштерелде

Бөйөк Еңеү көнө алдынан Балтас район хакимиәте башлығы Илгиз Әхүәс улы Субушев Түбән Ҡарыш ауыл биләмәһенә ҡараған Ҡыҙыл Восток ауылында Бөйөк Ватан һуғышында ҡатнашҡан яугирҙар иҫтәлегенә обелиск асыу тантанаһында ҡатнашты.

Иҫтәлекле объектты төҙөү инициаторы - Рәдис Әкрәм улы Рәхимов. Ветерандар исемлеген Асия Хәжимуллина төҙөгән.

Тантанала ҡатнашыусы Филүс хәҙрәт Камалетдинов яугирҙар рухына доғалар уҡыны.

Илгиз Әхүәс улы шулай уҡ Юғары Ҡарыш ауылында йәшәүсе Бөйөк Ватан һуғышы ветераны Афзал Нисап улы Фазлыевты бәйрам менән ҡотланы. Район Мәҙәниәт һарайы хеҙмәткәрҙәре ветеранға йыр бүләк итте.

Гөлнара Шәймөхәмәтова.