Бөйөк Еңеүҙең 77 йылығына бағышланды

“Йәшлек” физкультура- һауыҡтырыу комплексында Ижевск, Өфө, Мәләүез ҡалаларынан, Балтас һәм Борай райондарынан барлығы 35 команда – 300-ҙән ашыу нәфис гимнастика менән шөғөлләнеүсе спортсы ҡыҙҙар сығыш яһай. Турнирҙы асыу тантанаһында БР Дәүләт Йыйылышы-Ҡоролтай депутаты, "Газпром Трансгаз Уфа" йәмғиәтенең генераль директоры Шамил Ғосман улы Шәрипов ҡатнашты. Командаларҙы әҙерләүсе тренерҙарға Рәхмәт хаттары тапшырылды. Турнир 6-8 йәшлек ҡыҙҙар сығышынан башланды. Был категорияла - 11 команда. Спортсыларга уңыштар теләйбеҙ!

Гөлнара Шәймөхәмәтова.