Бөйөк Еңеү көнөн ҡаршылап

Бөйөк Еңеү көнө – халҡыбыҙҙың көтөп алған байрамы. Йыл һайын бөтә ил күләмендә ошо байрамға алдан әҙерлек башлана. Ҡариҙел районының Абыҙ мәктәбендә лә “Равнение к Победе!” исеме аҫтында ошо ҙур сараға әҙерлек башланды.
2-се класс уҡыусылары һәр ваҡыттағыса әүҙем булып сыҡты. Уҡытыусылары Гөлнара Борис ҡыҙы Губаева ярҙамында улар Бөйөк Еңеү тураһында һүрәт төшөрә, шиғыр ятлай, хәрби-патриотик йырҙар өйрәнә. “Үлемһеҙ полк” акцияһында ҡатнашыр өсөн, Бөйөк Ватан һуғышында ҡатнашҡан олатайҙарының портреттарын мәктәпкә алып киләләр. Ата-әсәләр пилоткалар хәстәрләп, изге Георгий таҫмаһын тағып ебәргәс, бәләкәстәрҙең илһөйәрлек рухы артып китте, ғорурланып байрамға әҙерләнәләр.

Гөлнара Солтанова.