Асыҡ дәрес фәһемле үтте

14 декабрь — Башҡорт теле көнө уңайынан мәктәптәрҙә, балалар баҡсаларында бай йөкмәткеле төрлө саралар үтә. Асҡын 2-се урта мәктәбенең башҡорт теле һәм әҙәбиәте уҡытыусылары ла был датаға ентекле әҙерләнде. Бөгөн Дилбәр Зөфәр ҡыҙы Заһиҙуллина 9-сы класта халҡыбыҙҙың атаҡлы мәғрифәтсеһе, башҡорт әҙәбиәтенең классигы, сәсән Мифтахетдин Аҡмулланың Шиһабетдин Мәржәни мәрҫиәһе буйынса Башҡорт теле көнөнә арнап асыҡ дәрес үткәрҙе.

Уҡыусылар дәрестә мәшһүр татар мәғрифәтсеһе, фәлсәфәсе, тарихсы, дин әһеле, педагог, археолог, этнограф, көнсығыш халыҡтар белгесе Шиһабетдин Мәржәни тураһында күп нәмә белде. Тәжрибәле уҡытыусының заманса технологиялар, дидактик материалдар ҡулланып үткәргән дәресе ҡыҙыҡлы һәм фәһемле булды.