Өсөнсөләр һәр яҡлап оҫта

Белем усағы уҡытыусылары бөгөн тәүге дәрестәрен республикабыҙҙа үткән Башҡортостан Республикаһы халыҡтарының Милли кейем көнөнә арнаны. 3-сө А класы уҡыусылары ла класс етәкселәре Ирина Әхнәф ҡыҙы Ғәлиева етәкселегендә милли кейем тураһында күп мәғлүмәт алды.

Тәүҙә уҡыусылар БСТ каналынан Башҡортостан Республикаһының мәҙәниәт министры Әминә Шафиҡованың милли кейемдәр тураһындағы бай йөкмәткеле дәресен ҡараны. Артабан Ирина Әхнәф ҡыҙы 3-сөләр менән башҡорт милли кейемдәренә арналған онлайн-класс сәғәте үткәрҙе. Ошо темаға арналған презентация, уҡытыусының төплө һөйләүе уҡыусыларҙа ҙур ҡыҙыҡһыныу уятты, улар үҙҙәрен ҡыҙыҡһындырған һорауҙарға яуап алды, белгәндәрен нығытты, йомғаҡланы. Әйткәндәй, 3-сөләр йыр-бейеүгә бик оҫта,ошо йүнәлештәге төрлө түңәрәктәргә әүҙем йөрөй. Ҡайһы берәүҙәр Балалар ижады үҙәгендәге Гүзәл Ғәлләметдинова етәкләгән бейеү түңәрәгенә йөрөһә, күптәр Балалар сәнғәт мәктәбендә шөғөлләнә.