+22 °С
Болотло
Бөтә яңылыҡтар
Ҡариҙелдәр “Терра Башкирия” турнирында лайыҡлы сығыш яһаны
Өфөнөң “Аҡбуҙат” ипподромында “Терра Башкирия” ат-спорт турнирының 9-сы этабы үтте. Уның сиктәрендә Урта һәм Ҡара диңгеҙҙәр ярҙарында урынлашҡан дәүләттәр һыбайлыларының халыҡ-ара чемпионаты ойошторолдо. Баш ҡалала 15 ил һәм республиканың Благовещен, Бүздәк, Ҡариҙел, Көйөргәҙе һәм Салауат райондарынан вәкилдәр йыйылды һәм ат сабышында ҡатнашты. Район данын ауыл хужалығы предприятиеларынан, крәҫтиән (фермер) һәм шәхси хужалыҡтарҙан һигеҙ һыбайлы яҡланы.
Спорт сараһында ҡатнашыусыларҙы “Рәсәй юртаҡ йылҡысылыҡ берҙәмлеге” идаралығы рәйесе Николай Исаков, Башҡортостан Республикаһы ауыл хужалығы министры Илшат Фәзрахманов һәм башҡа мәртәбәле ҡунаҡтар сәләмләне.
Үҙҙәренең юртаҡтарында 15 ил вәкиле көсөн һынаны. Рәсәй исеменән өсөнсө категориялы жокей Вадим Сәлимханов сығыш яһаны. Еңеүҙе Франция һыбайлыһы Кормье Мартин Жан Андре яуланы.
Турнирҙың туғыҙынсы этабы сиктәрендә Благовещен, Бүздәк, Ҡариҙел, Көйөргәҙе, Салауат райондары һыбайлылары ла ярышты. Сара ҡағиҙәләре буйынса ул ике этапта үтә: башта район чемпионы билдәләнә, артабан беренсе һәм икенсе урындар яулаусылар үҙ-ара йәрәбә буйынса тура килгән “Аҡбуҙат” ипподромы аттарында ярыша.
Туғыҙынсы этап һөҙөмтәләре буйынса Көйөргәҙе районынан Айбулат Әбдрахманов иң яҡшы һыбайлы тип билдәләнде.
Ҡариҙел районының һайлап алыу сабышы йомғаҡтары буйынса Орлик ҡушаматлы атта Фәнзил Тажиев беренсе урынды яуланы. Радмир Исхаҡов икенсе килде. Сабышта өсөнсө урынға Александр Акузин сыҡты. Район хакимиәте башлығы оператив кәңәшмәлә еңеүселәргә Почет грамоталары һәм ҡиммәтле бүләктәр тапшырҙы. Шулай уҡ Илдар Вил улы турнирҙың туғыҙынсы этабы финалында өсөнсө урынға лайыҡ булған Радмир Исхаҡовты Почет грамотаһы менән бүләкләне.
Район данын яҡлап ат сабышында ҡатнашҡан Николай Феденев, Данис Мөхәрәмов, Илсур Сәфәров, Илнур Мәхмүтов, Рауил Сәфәровҡа ла Рәхмәт хаттары тапшырылды.
Фойела райондарҙың күргәҙмәһе гөрләне. Унда ҡала халҡына ҡымыҙ, бал, ит ризыҡтары, шулай уҡ боронғо кәсеп һаналған туҡыусылыҡ, ағастан төрлө эшләнмәләр һатылды.
Читайте нас:
© 2024 Сайт издания "Йәнтөйәк" Копирование информации сайта разрешено только с письменного согласия администрации. Башҡортостан Республикаһының Матбуғат һәм киң мәғлүмәт саралары агентлығы һәм Башҡортостан Республикаһының "Башҡортостан Республикаһы" Нәшриәт йорто дәүләт унитар предприятиеһы.
Телефон
8(34771) 2-18-50
Электрон почта
Адресы
452880, Аскинский район, с. Аскино, ул. Блюхера, 10
Реклама хеҙмәте
8(34771) 2-20-60
Редакция
8(34771) 2-18-50
Кадрҙар бүлеге
8-34771 (2-19-30)