Ҡариҙел районы ауыл хужалығы продукцияһын етештереүҙәге юғары күрһәткестәре өсөн республика Хөкүмәте Дипломы менән бүләкләнде

Ҡариҙел районы ауыл хужалығы продукцияһын етештереүҙәге юғары күрһәткестәре өсөн республика Хөкүмәте Дипломы менән бүләкләнде. Уны Өфөлә Ауыл хужалығы һәм эшкәртеү сәнәғәте эшсәндәре көнөнә арналған тантанала Хөкүмәт Премьер-министры Рөстәм Мәрҙәнов район хакимиәте башлығы Илдар Ғарифуллинға тапшырҙы. Шундай уҡ наградаға “Зуевское” йәмғиәте лә лайыҡ булды. Раздолье ауылынан крәҫтиән (фермер) хужалығы башлығы Владимир Игошев нәҫеле — “Иң яҡшы фермер династияһы”, “Зуевское” йәмғиәте механизаторы Михаил Запевалов “Башҡортостан Республикаһының атҡаҙанған ауыл хужалығы хеҙмәткәре” исеменә лайыҡ булды.