Рус түгелмен, ләкин россиян мин
Рус түгелмен, ләкин россиян мин,
Россияның һыуын эскәнмен,
Сағылдарҙа имән нисек үҫһә,
Мин был ерҙә шулай үҫкәнмен.
Хаҡлымындыр, тимен, үҙемде әгәр
Сағыл имәненә оҡшатһам, —
Тамырҙарым бит дүрт быуат әүәл
Мәскәү менән барып тоташҡан.
Һәм рус халҡы минең яҙмышымды
Рус түгелмен, ләкин россиян мин,
Россиян мин — ниндәй ғорурлыҡ!
Биш ғүмерең миңә кәрәк түгел,
Бер яҙмышым шуға торорлоҡ.
Рус һәм башҡорт юлда һәр саҡ
Табындаштар оло байрамда,
Яуҙа яуҙаш, дандаш һәм ҡәберҙәш
Изге һуғыш үткән майҙанда.
Беләм, миңә мөхәббәтең артҡан,
Рус туғаным, һинең ҡанында.
Рус түгелмен, ләкин россиян мин,
Ниндәй яҡты бейеклектәренә бөгөн
Күнелемдә минең көн сыуағы,
Күҙҙәремдә — ҡояш нурҙары,
Йөрәгемдә — мең йыл тотконлоҡто
Үтеп сыҡҡан өмөт йырҙары.
Ерҙә нисек мин ныҡ баҫып торам,
Ниндәй иркен алам һулышты!
Шуларҙың бит мин бөтәһе өсөн,
Рус туғаным, һиңә бурыслы!
һин тәм бирҙең минең икмәгемә,
Һин тат бирҙең эскән һыуҙарға.
Ер йөҙөндэ күпме халыҡтар йәшәй,
Туған иттең мине шуларға.
Рус түгелмен, ләкин россиян мин,
Россиян мин — ниндәй ғорурлыҡ!
Ун ғүмерең миңә кәрәк түгел,
Бер яҙмышым шуға торорлоҡ!