-6 °С
Ясна
Бөтә яңылыҡтар
Һөйөнсө!
29 Август 2017, 11:38
Беренсе класҡа баралар
Тимур Дәүләтшин Ҡариҙелдең 1-се мәктәбенә уҡырға бара. Балалар баҡсаһына йөрөгән малай яҙырға, һанарға, уҡырға белә. Йырларға ла, бейергә лә оҫта. Матур итеп һүрәт тә төшөрә, спорт уйындары ярата. Әсәһе: «Тимур беҙҙең ҙур ярҙамсыбыҙ. Ул бик тәртипле, тыңлаусан. Мәктәпкә бик ныҡ теләп бара. Сумка, костюм, кәрәкле уҡыу әсбаптарын күптән алдыҡ», — ти.
«Мин уҡыусы булам», — тип шатлығы менән уртаҡлаша Борайҙа йәшәүсе Индира Хөснөтдинова. Беренсе ҡарашҡа бик бәләкәй, тыныс, оялсан ғына күренгән ҡыҙ уҡырға-яҙырға өйрәнгән, ябай ғына мәсьәләләрҙе лә сисә. «Портфелен көн һайын бер тултырып ҡарай ул», — тип ейәнсәренең шатлығы өсөн ҡыуана Мәрйәм өләсәһе. Индира Белем көнөндә уҡытыусыһына бүләк итеп алып барырға ҡайһы сәскәләр матур булыр икән, тип гөлләмә лә яһап ҡараны.
Әҙилә Ғәниева I класҡа Бөрө ҡалаһы лицейына бара. Ул уҡырға, йөҙгә тиклем башҡортса һәм русса һанарға белә. Әле М.Бәширов исемендәге Балалар сәнғәт мәктәбенә лә һынау тотҡан.Теләге — фортепианола уйнарға өйрәнеү. Киләсәктә балалар баҡсаһында тәрбиәсе булып эшләргә хыялланған һәләтле ҡыҙға уҡыуында уңыштар теләйек.
Динислам Суфиянов Асҡын районы Солтанбәк ауылында йәшәй. Ул бик үткер, зирәк бала. Мең эсендә ҡушырға, алырға белә, бүлә лә. «Ул бик ҡыҙыҡһыныусан, хәтере лә шәп. Ишетеп кенә «Аятел-көрси»ҙе лә, мөнәжәттәр ҙә ятланы. Мәктәптә лә һынатмаҫ», — ти дини йолаларҙы үтәп йәшәгән ата-әсәһе. Әйткәндәй, Динислам алты балалы ғаиләлә үҫә. Уның ике апаһы, биш йәшлек Гүзәл исемле һеңлеһе, ике йәшлек Ильяс исемле ҡустыһы бар. Әминәгә әле алты ғына ай.
Тимур Дәүләтшин Ҡариҙелдең 1-се мәктәбенә уҡырға бара. Балалар баҡсаһына йөрөгән малай яҙырға, һанарға, уҡырға белә. Йырларға ла, бейергә лә оҫта. Матур итеп һүрәт тә төшөрә, спорт уйындары ярата. Әсәһе: «Тимур беҙҙең ҙур ярҙамсыбыҙ. Ул бик тәртипле, тыңлаусан. Мәктәпкә бик ныҡ теләп бара. Сумка, костюм, кәрәкле уҡыу әсбаптарын күптән алдыҡ», — ти.
Читайте нас:
© 2024 Сайт издания "Йәнтөйәк" Копирование информации сайта разрешено только с письменного согласия администрации. Башҡортостан Республикаһының Матбуғат һәм киң мәғлүмәт саралары агентлығы һәм Башҡортостан Республикаһының "Башҡортостан Республикаһы" Нәшриәт йорто дәүләт унитар предприятиеһы.
Телефон
8(34771) 2-18-50
Электрон почта
Адресы
452880, Аскинский район, с. Аскино, ул. Блюхера, 10
Реклама хеҙмәте
8(34771) 2-20-60
Редакция
8(34771) 2-18-50
Кадрҙар бүлеге
8-34771 (2-19-30)