Мишкәнән Кремль шыршыһына Лина Сәйетгәрәева бара

— Яҡшы уҡыған, йәмәғәт эштәрендә әүҙем ҡатнашҡан, төрлө конкурс, олимпиадаларҙа уңыш ҡаҙанған Лина, һис шикһеҙ, шундай дәртләндереү сараһына лайыҡ, — ти класс етәксеһе.

Лина — уҡыу алдынғыһы, төрлө предметтар буйынса район олимпиадалары еңеүсеһе. Тырыш ҡыҙ Бөтә Рәсәй йәш йырсылар конкурсында “Вокал-соло”, “Соло”, “Эстрада йырҙары” номинацияларында еңеү яуланы. Шулай уҡ “Башҡортостан таланттары” балалар республика конкурс-фестивалендә I урын яулай. Лина рус, инглиз, башҡорт теле, йыр дәрестәрен ярата. Буш ваҡытында улар ғаиләләре менән йәй көнө тәбиғәт ҡосағында булырға, ҡыш көнө сана, саңғы, конькиҙа шыуырға ярата.